غلا الروح - علي الزهيري

وين انت ياغايب عن عيون مغليك
ماتدري ان غيبتك سوت سوايا

قلبي وروحي والمشاعر تناجيك
اسمع صداها لجلجت فالحنايا

من شاف حالي قال ياهيه وش فيك
مايدري ان حبك وبعدك بلايا

وانا ادري ان الوقت ماهو مصافيك
ياكثر تغريبه وكثر الخطايا

لا تحسب اني ياغلا الروح ناسيك
اضحك وجامل لا تبين الخفايا

لكن لاتبطي عليه ونااااااديك
اخاف من هرج الشمت والرزايا

افهم ترا لا ذا ولا ذي ولا ذيك
يسواك ولا تشبهك فااااالبرايا

اقلط تفضل مرحبا يامعاليك
بنيت لك قصر الغلا ياااااغلايا

لاخابت ضنونك ولا خاب راجيك
ياسلوة الخااااطر وزين الحلايا

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر