ياجرح قلبي طب لو الوقت ماطاب
جرح القرايب مايداويه دكتور

نصبر وننسى لجل مانجرح اصحاب
ونضحك ونجبرها لو الساق مكسور

الصبر في بعض المواقيف شباب
نارٍ لظاها يسعر القلب ويفور

اللي يحس النفس ويزيد الاسباب
الطعنه اللي جات من عالمٍ عور

الشله اللي كلها حزاب وكذاب
اللي تجمعهم على النم والزور

مايعلمون ان المراجل لها باب
يوم انفتح بيّن لنا كل مستور

ولا يعلمون ان الكريمين ماتهاب
شح اليدين ومدة الجود والشور

لاياقليل العرف سر لنا كتاب
قريت مضمونه ولناس منشور

عليك لانايح ولاني بطلاب
روح مراح مقيط ورشاه ياثور

الادمي لاغاب يقلون وش جاب
ولا انت جبت العيد والدم منثور

اخترت عن مثلك وشرواك الاجناب
لا حدني وقتي لها موقف ودور

والله يجملني مع طوال الاشناب
مادمت حي الذكر والدار معمور

باقول كلمه وفهموها ياللباب
من بعد فرقى بعض الاصحاب مسرور


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر