غلا شمر - عبدالله عبيان اليامي

لعل الوسم يمطر على ديرة الوافين
واشوف البروق تلوح والقاع ممطوره

ديارٍِ غلاها له بوسط الضلوع سنين
ينادي وعشب فياضها فاحت زهوره

وانا جيت اجدد حب راكان بن حثلين
لاهل سربةٍ بالخيل والطيب مشهوره

سرى يطوي فجوج الخلا والعرب ممسين
يسوقه غلا شمر وتقدير اخو نوره

عسى الله يلوم اللي يلومه ليوم الدين
ما دام القلوب بحب الابطال مفطوره

قرينا تواريخ العرب والعلوم تبين
وكم بارقٍ ليل الدجى ما حجب نوره

على العز يسري والحقايق تسر العين
مثل لمعة سيوفٍ بالامجاد مشهوره

من فعولها ذكر الطنايا يهز الصين
ونهار الشدايد لا اعتزوا زعزعوا سوره

سلامي عليهم في العسر واليسر واللين
اقوله وانا روحي على الوصل مسروره

© 2022 - موقع الشعر