تكفين يابنت الرجال - علي الزهيري

استوطني بين الظلوع العوج يابنت الحلال
ولك مني اني مانشدك عن شي مهما تفعلين

تدللي مادام يحلالك وزيدي بالدلال
لكن لاتنسين يوم الموت وحنّا راحلين

الحب من صدق النوايا مافرض فيه احتمال
قوت القلوب الجايعه ماحرمه منهج ودين

ياسيدة عشق الحزين اللي يدور للوصال
تكفين يابنت الرجال اللي في الشده تعين

يالدره اللي ماتمد ابها يميني لشمال
مغبون لو اعطيتها يسراي تحسدها اليمين

ياكاملة الاوصاف والاخلاق لله الكمال
تسوين في عيني جميع الخلق يالكنز الثمين

انا دخيل الخد والمبسم ولمسات الجمال
دليني الدرب السوي لايشمتون الشامتين

© 2024 - موقع الشعر