عزيز يامبارك - علي الزهيري

ياموت لك سلطه من الله علينا
خذيت ابوي وخذت الاقراب وصحاب

ياما تصبرنا وياما بكينا
واللي خذيته يعلم الله ماغاب

ويكم تمنينا وياكم نوينا
لكن فالدنيا مسايير وغراب

بماكتبه الله علينا رضينا
لوكان مانرضى على احبابنا غياب

الشاهد الله يامبارك بكينا
وان العيون الباكيه دمعها ذاب

عزيز يامبارك عسا ما تهينا
اخ وصديق اقرب من اخوان وقراب

انا ادري ان الجرح صعب ومكينا
وحلو الكرى للعين ياخوك ماطاب

لكن على الاقدار وش في يدينا
الحكم للي صور ادم من تراب

وقبّل سلامي يالصديق الثمينا
وقبّل عزاي وكل شيئاً له اسباب

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر