محاورة الرشيدي والمطيري

ياسلام الله سلامٍ فيه معنى للسلاااام.
من هجوس ٍ ماتهاب الموت وأنا ولابها.

ياولد عبس العظيمه قوم انا عندي كلام.
والمعاني حظها ماطاح عند أصحابها.

شاعر عبيط
ياهلا بك ياهلا بك عدّ ماناح الحمام.

يالمطيري والقصايد لاتحد نيابها.
خلها بيني وبينك وانت كفوٍ للمقام.

والمعاني دايمٍ صوب الهدف نرقابها.
نايف الرشيدي

تبني ابيوتك وغيرك لا بنا ترجع هدام.
قلتها لا اطلق شنب و النار من شبابها.

من ثلاث أيام انا وياك رفقه واحترام.
واربع الأيام حلت وأنت في مرقابها.

شاعر عبيط
البيوت الي تهدم مالقت كثر إهتمام.

يارفيقي وانت وافي لاتقفل بابها.
من ثلاث ايام اعرفك واشهد انك لي وسام.

ولو تحل اعوام قلنا الخيل من ركابها.
نايف الرشيدي

سبها وألعن جدفها ماهو سب الانتقام.
لو تقول انها بسيطه ماحسبت احسبابها.

أنت عندي غاليٍ جدا عسى افداك الانام.
والسنين المقبله في غيبها واكتابها.

شاعر عبيط
لعنبوها لعنبوها خربت كل النظام.

لعنبوها يامحمد لابو منهو جابها.
انت داري وقتنا ماله لجام ولاخطام.

والسنين المقبله ياالله عسى نحظابها.
نايف الرشيدي

يوم .اشب النار يانايف ماهي برد وسلام.
قمت أهز إبشوتها واهز لك جلبابها.

لو يطول البدع من بيني وبينك يالحزام.
تستوي زين المثايل لالقت طلابها.

شاعر عبيط
انته مجمل ولايلحقك.. شك ولاملام.

والبحور الي تلاطم .جالها شرابها.
الجزاله في يدينك ماتبي.. شرح وخصام.

والنشاماء فيك ..يامحمد يزيد اعجابها.
نايف الرشيدي