الابّه ألعبسيّه - نايف الرشيدي

الله رزقنا حسن صفؤ ألنيّه
مانلتفت ف العالم المبليه

واللي تكبر مانحسب احسابه
مكانته تحت القدم موطيه

حنا الفخر والفخر كله حنا
وحنا نطول الطايله ف الهيه

وحنا هل الوقفات واهل الفزعه
رجالنا ف الحرب عجّز ميه

بني رشيد ليا أحتمى ماقفنا
ناطا على رؤس العداء وألعيّه

اعيال عبس معقبين الهافي
شجعان والتاريخ ناره حيّه

فزنا اب طيب وفعلنا نفخربه
واسم الرشيدي شوّش ألقافيّه

ياسعد عين اللي تذرا فينا
انشهد انه ف الذرا والفيّه

مايلحقه من ضيم وقته لاحق
دامه دخيل ألابه (العبسيّه)

ماهو كباره يومي امدح ربعي
لاوالله ألا طيبهم جاء فيه

شاعر . ولامني دخلت الساحه
كن المشاعر طائره حربيه

تقصف جميع أللي يجي في دربي
بالطيب والا نلتها جبريه

اقلط على الجزله ولاشاورها
غصبٍ علاها جات بين ايديّه

قصايدي مثل الذهب ف عيوني
عن كل ناقد . جبتها محميّه

وياعبس ياجعل القصيد فداكم
هذي ترا لعيونكم حصريه

والحمد للي كلنا تحت امره
اللي من أدم عقب الذريه

الشاعر نايف الرشيدي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر