ياوليفي تدري انك غايتي واقصئ مرادي - نايف الرشيدي

ياوليفي تدري إنك غايتي واقصئ مرادي
وتدري اني ياوليفي جيت لعيونك هواوي

اكتم همومي عشانك صابرٍ والصدر هادي
واتبعثر في غيابك والا انا مانيب قاوي

كان تبغاني تعال وشوف سلمي والمبادي
الوكاد اني صويبٍ وامتلك قلبٍ شقاوي

في غيابك عشت غربه لو انا داخل بلادي
وياكثر ماشفت عقبك من عذاب ومن بلاوي

ياوليفي لاتحسب ان الجفاء والبعد عادي
ولاتحسب الجرح يبرى لا كبر ماله مداوي

جيت لعيونك وليف وجيت لك بالحق بادي
والا انا من قبل شوفك كان طيفك لي مخاوي

لو رسمتك ف القصيده كل شاعر جاك غادي
وجف حبري ف الوصوف وهاجسي سارح وضاوي

في مباديك الجزيله تهت انا حسب اعتقادي
واستلذيت بغرامك ليت لوترحم وتأوي

(ياغيوم) الشوق هلي وامطري في كل وادي
واسقي الضامي دخيلك لاتخيبي با الهقاوي

...
(وياوله) روحي عليك ايحدها مليون حادي

دامني ميت اب حبك جيت لك كلي فداوي
ياغناة القلب ياللي ساكنه داخل فؤادي

أقبلي كلك غلاء واسوق لرضاك الخطاوي
الشاعر نايف الرشيدي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر