ياشوق

لـ نايف الرشيدي، ، في غير مصنف

ياشوق - نايف الرشيدي

‏اليوم قلبي طاري البعد طاويه
والهاجس امسى بين مليون سيره

مدري من ظروف الزمان وبلاويه!
وألا من اللي مايداري عشيره

ياشوق زود الشوق مانيب قاويه
نيران شوقي تشتعل بي سعيره

وياشوق جرحي مالقى من يداويه
فاقد طبيبه جعل ف آلامر خيره

ليته يحس ويسأل يقول وش فيه؟
ماكان جيت اشكي جروحٍ خطيره

بس البلا فقر المشاعر يباريه
ماعنده إحساسٍ ولافيه (غيره)

يجفاء ونايف ماقؤى إنه يجافيه
كنه يقول إفراقكم نستخيره

مايدري اني عاشقٍ له واداريه
ولايدري اني مجتهد في مسيره

لاغاب لحظه قمت اراجع حكاويه
واشتآق له شوق العميّ للبصيره

عزالله انه لو بغى العمر يفديه
وعزالله اني غارقٍ في غديره

.......
ياالشوق قلبي باح لك كل مافيه

والحر في صيد الضباء هدّ طيره
إما يصيد الطير ويفيد راعيه

وآلايخيب وننتخي بالعشيره
ارمي هدف والسهم ياشوق يخطيه

وماباقي إلا أسلّ سيف اب جفيره
الشاعر نايف الرشيدي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر