ياشوق

لـ بندر البجيدي، ، في غير مُحدد

ياشوق - بندر البجيدي

ياشوق حبك شي ومقابلك شي
وأغلى من الشيئين عندي عيونك

اليا نظرتي دنيتي تنقلب ضي
من عقب ماهي مظلمه دوم دونك

بعدك شقاوة وأقترابك لي الفي
ودي بعطفك والمصيبة جنونك

لاتتركين النكادة والغثى بي
وأنا أحبك خايفٍ يبعدونك

حبي تجاهك مثل ماتعشقي مي
اللي قبل عرفي هي اللي تعونك

يامن غرامك طاوي الحال بي طي
تلعبّي الذكرى بأجواء كونك

كتبت لك من روعة الدلعنة في
أحلى كلام الحب وتسمعه أذونك

وانا لك الله خطوتي زي ماهي
قلبي لقلبك حالفٍ مااخونك

اشوف موتي في عيونك وانا حي
دخيل ربك ارحمي من يصونك

والحاسدين الكثّر أغلبهم العي
الناقصين اللي احسدوني يبونك

حتى الكلام اللي يجي بسيرتك سي
اعلم بأنه قصدهم يظلمونك

ملاك بعيوني واذا زادوا شوي
يكبر غلاك اللي دمرني شجونك

لا لا تقطعي عن زهر حبنا المي
أخاف يذبل والسبايب ظنونك

وختامها قد قيل آخر دواء الكي
وأنا دوايا يوم تهطل مزونك

© 2024 - موقع الشعر