ناحل الخصري - بندر البجيدي

مريت صدفه وبالي دالهٍ مسرور
على بيوت الحبيّب ناحل الخصري

أثر الغلا بالمحاني مستحيلِ يبور
اللي يبور الوليفه لاعلنت حصري

على التواصل معاها والجفى والزور
وعلى المواعيد عقب قهْوة العصري

يامنعشة قلبي كِفى لايجيني الجور
ياعل يفداك ابلاد الشامي والمصري

تدرين إني على مواصلْك أنا مجبور
لكن أشوفك كذا بالود تقتصري

متى على الله أجيلك والبخت مبهور
وتقولي أرحب هلابك نوّر القصري

هذي أماني ولكن مالفاها النور
أصبح بها الحب أعمى فاقد البصري

ليش التبادل معاكم دايمٍ محظور
أبي خُلاصة غرام الكذب واختصري

تقول طبعي كذا أبكشف المستور
واقفت تضحّك وترفع راية النصري

وقعدت أواسي واقول لقلبي المكسور
البيض قبلك عذاب لمحسن وبصري

© 2024 - موقع الشعر