ياشوق

يا شوق جاني من طرفكم رساله
متضمنة بعض الابيات القديمة

الشعر في وقتي يفوز بمجاله
يالله عسى تبقى العواقب سليمة

أهلاً وسهلاً عد ما أشرق هلاله
وعد النجوم السارية والمقيمة

وعداد ما هبّت هبوب الشماله
وعداد ما تمطر على القاع ديمة

أن الحبيب يحب حتى مقاله
ويفرض علي كل احترام وحشيمة

الذين دايم يسعدك في اقباله
مثل القمر دايم يونّس نديمة

أهلاً بمن يفخر في باهي جماله
كالبدر لا بيّن من فتوق غيمة

شكلك من الخفرات فذي لحاله
خمريةي بين العذارى وسيمة

جزْتي على كنزي بعيدي مناله
اداب واخلاقي ونفسي كريمة

سوالفي ويّاك مثل الخياله
لاني بجاهلها ولا انتي غشيمة

متى على السائل يفتر سؤاله
يرتاح من بعض العنا والهضيمه

شخصي عطاني الودّ ما بي بداله
وما ارضى على نفسي تعيش بوهيمة