فكري يبي له فرمته? - نايف الرشيدي

فكري يبي له فرمته ياجماعه
ماعاد له طاقة لحفظ الملفات

ازريت اسايرها بعزم ومناعه
وانا صراحه شايف الوضع هيهات

اللي بغيته طال ب الانقطاعه
واللي بغاني ماأستمع للوصيات

مدري غباء والاتصرف شجاعه
والا ترى الثنتين فيهن ملذات

اهل الوفاء باعوه بيع البضاعه
واهل النميمه بين روحه وجيات

من طالت ذراعه قصرنا ذراعه
ومن يبتديها ينتبه للنهايات

ف الاوله ندبل مع الصاع صاعه
والثانيه تفسير بعض الروايات

يعني تركد وانتبه كل ساعه
خلك مع الجزله وكب الرديات

راع الوفي والوضع لاشان راعه
ترى الشوراع كلبوها مطبات...!

اكسب رضاء ربك وعيش بقناعه
لاتشغلك ياصاح! كثر الخيالات

العمر يفنى والليالي إتباعه
والهرج بعضه فيه ذنب وخطيات

الشاعر نايف الرشيدي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر