مثلتكم يوم ان لي عندكم دور
وأنتم عرفتم كل عدل ومايل
ما حاجة أوصف لكم طيب وقصور
بشي مضى وأنتم خيار الدلايل
لا شك عندي لأهل المعرفة شور
واخص فيه اللي يريد الجمايل
اللي يبي في منصبه نور وسرور
يدرى عن الزله عيال الحمايل
يمشي بحق ولا عن الحق مقصور
ويترك صغار المشكلات القلايل
وأنت انتبه ياللي بدنياك مغرور
اصبر ولا بدك عن الحكم زايل
اما تروح بنية الخير مذكور
والا جزيت ابما مضى من فعايل
ودنياك ما دامت لسكانت الدور
أهل الرشوم امطوعين القبايل
اللي لهم قاله وصولات وسبور
وبيارق تجعد صغى كل عايل
راحو من الدنيا مساكنهم قبور
وكل توفى ما برد له قلايل
والطيب يسعى به سنافي ومنعور
وإلا الردي ما هو عن العيب سايل
والعبد بالدنيا مسيّر ومامور
من خلقة آدم والعصور الأوايل
والختم صلوا عد ما شعشع النور
على نبي الخلق راع الفضايل
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.