الطير طار - سمير بن صليهم

الطير طار ويا بو بدّاح يفداك
أمسيت عندي وأصبح اليوم غادي

حطيت له وكر وجرير له ادراك
وحطيت فيه من السبوق الجدادي

لا شك ما فاد الحذر والتمساك
اللي أطلق المربوط رب العبادي

بالعون جبته لي عسى الشر ما جاك
وفيت قولك يا عريب الجدادي

طير تواصيفه تواصيف شرواك
حر جرودي كبير الثنادي

يوم اتمثّل فيك من طيب مجناك
أنا أشهد أنك من رجال الوكادي

متقدمن للطيب من فعل يمناك
تشهد عليك الحاضرة والبوادي

© 2024 - موقع الشعر