اشوف وجيه تضحك لي وهي لاشك كذابه - نايف الرشيدي

أشوف وجيهه تضحك لي وهي لاشك كذابه
يحسبون ألخدإع أسهل طريقه واسرعو فيها

أجاملهم وأراعيهم لون ألكبد منصابه
وأنا عارف نواياهم وبيّن بعض خافيها

يبون القمه العلياء وكل(ن) جاب محرابه
هذاك يقول ناصلها وهذا أيقول نخطيها

لهم عادات مختلفه لكن ألطبع متشابهه
يرصون العلوم وعاد!! خذها ياموديها

تشب الفتنه وتكبر وكل(ن) معّه هبابه
يزيدون ألحطب والنار تحرق رجل واطيها

تمادوا في سواياهم وزاد ألشرب صبابه
وقالو ماحسبنا إحساب لاأولها وتاليها

يدوم الفعل للرجاله ودام العز وأصحابه
مع ألايام ماتخفيّه حاضرها وماضيها

يفز الحر من وكّره ولاله غير مخلابه
وإلامنه نوا الصيده سبرها وجاب قاصيها

وفرخ ألبوم في وكّره سجين ألعشّ والغابه
صفاته بيّنه للخلق لو حاول يخفيها

يبين ألرجل ب أفعاله ولانبحث عن أسبابه
أحدهم يعشق الطاله وأحدهم مايدانيها

وأنا ماراعي ألخايب ولاني حاسب أحسابه
أعز النفس وأقهرها وعزة نفسي أشريها

أحط الكفؤ ف يميني وطعن ألغدر ماهابه
وأجنب من هدم عزة مقامه قبل يبنيها

....
عجزت أشرّهه على وقتي واقلب صفحة إكتابه

وأغير في عناوينه واشقلبها وأجاريها
أشوف إنه معاندني وغيري كنّه أولابه

وأشوفه خالف أظنون(ن) أكحلها ويعميها
عليك أللوم ياوقت(ن) تشوف أرخومه أذيابه

تغير وضعنا كله وعادي لونمشيها
عؤى ألسرحان من مابه وهو في رآس مرقابه

حدآه الوقت عن دار(ن) قبل فتره مواليها
غدربه وقته وخانه قبل ماتغدر أقرابه

وعزة نفسه أجبرته على ألفرقاء وطاريها
....

سرئ ألهاجس وعنيته وشعري فتح أبوابه
وقام الفكر يسريبي ولجله قمت أسريها

وهذي قصت(ن) دآرت للشاعر زود إعتابه
يشوف وجيه تضحك له وهو ماينخدع فيها

الشاعر نايف الرشيدي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر