من المنامه عنيـت وجيـت=(باخذ على كميـت تدويـره) - عبدالرحمن بن عبدالله المجلي

قصيدة ل أ. عبدالله الضويحي في مطل جبل كميت بمرات ورد من عبدالرحمن المجلي
نور سطع من علاوي كميت

لا اقبلت بانت تباشيره
سيفين ونخله غشاه الليت

وقصر الملك خوش تصويره
يسطع على ديرة أهل الصيت

مرات يا حيها ديره
واللي بدع رسمته عنتيت

يازين رسمه وتدبيره
ياليت ناس فنوا ياليت

يرقون ويناظروا الديره
يوم انهم خابرين كميت

صعبا عليهم مشاويره
يشاهدون النخل والبيت

والسوق والجامع وغيره
ياضايق الصدر لا مليت

خذلك على كميت تدويره
النفس ترتاح لا ونيت

والقلب تنساح اساريره
يا ديرتي فيك لوعديت

خمسين شاعر لهم سيره
نبي بعضهم يجاري البيت

ويكتب عن " كميت " تقريره
عبدالله عبدالعزيز الضويحي

_____
____

مجاراة للقصيدة من الشاعر عبدالرحمن المجلي
من المنامه عنيت وجيت

(باخذ على كميت تدويره)
الحرف شفته وله فزيت

ياطيب من صاغ تعبيره
(إبن ضويحي) بنى له بيت

في المرجله بأحسن السيره
إللي دعانا ..نشوف كميت

نرقاه ونطالع الديره
مافي كلامه ..قصور.. وليت

نبصم على كل تقريره
ياكميت فيما مضى لك صيت

يجلى بك التايه الحيره
واليوم زادو جمالك (ليت)

يازين في الليل تنويره
من شوفته مابعد مليت

القلب تنباج أساريره
والشكر للكل ما خصيت

الكل يسعى لتطويره
و(إبن المبيريك) عالي الصيت

هذي جهوده وتدبيره
أدعي له الرب لاصليت

عالٍ مقامه وتفكيره
مرات ياديرتي حنيت

من بعدِكم صابني حيره
طعم التغرب كما (الحلتيت)

والقلب يفجعك تزفيره
ماهمني (طويق).. والا (هيت)

اكميت ما شاقني غيره
أنصحك يا اللي بعيدٍ ..(أيت)

واترك عذولك.. وتبريره
مرات لاتنسها ..يا(شيت)

العمر قصرت مشاويره
والضيف له ..(مرحبا).. حييت

نكرمه ..ونزيد تقديره
والمعذره كانني زليت

والرد عجلت تحبيره
عبدالرحمن عبد الله المجلي

راعي مرات
© 2024 - موقع الشعر