الله من الجاهل ودبل الكبودي
سلط علي الله وسلط كلامه
خارج حدود المملكه ياوجودي
شخص(ن) نطحني قال : أية خدامه؟
جاوبت (لله) يافتى مانجودي
وعباطته قد شفتها بابتسامه
الا انت شسمك؟ قال: اسمي حمودي
قلت : اشوى .. والله احسب انك سلامه!
أحر ماعندي يرد ابرودي
تشوي صقر ياحمود؟ .. ماهي حمامه!
ثم قال واسمك؟ قلت: رقي السنودي!!
في ذمتي ذا الليل لااطوي ظلامه
قال لي: سعودي؟ قلت : (إي باالله) سعودي
ولي عزوة(ن) مصدر شموخ وكرامه
اصلي وفصلي من شمال الحدودي
وقبيلتي عدّت حدود المنامه
خوالد وفينا الطبايع ركودي
وشبابنا واضح عليه احترامه
عزّي بربعي معربين الجدودي
وتاريخنا زايد علينا .. وسامه
ماهمنا برق العدو والرعودي
حنا طيور الجو .. عز وجهامه
شفت الجزيرة؟ .. قفْرها والنفودي
حامينها بالسيف عن كل خامه
من الجاهلية حرْبنا بالزنودي
وياما امتطينا الخيل عند احتدامه
روس(ن) عنيده قد وضعنا نفوذي
ومتميزين(ن) بالسطر واللثامه!
ولاشك بعض الناس فيها جحودي
من عقب ماكنا لك الله عمامه!
بالمختصر ياحمود عندي شهودي
الله يخلي بس ... بيض النعامه
واليوم في ضل المليك السعودي
وحكم الشريعه نحمد الله نظامه
حنا لهم في طاعة الله اسودي
والا انت يالملقوف ... مع السلامه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين