آهـ .. أنـا وآسفـابـي طـحـت كلـي جميـع - عبدالرحمن بن عبدالله المجلي

آه .. أنا وآسفابي طحت كلي جميع
ما أمهلتني الليالي لين أحقق مناي

أحسب العمر واقف وأثر ركضه سريع
موميات الليالي قضبتني عصاي

في حراج المصايب قمت أحرج وأبيع
مرخص كل ما أملك لوهو غالي شراي

إن ضحكنا بكينا وإن عصينا نطيع
ضاعت العشر وحدة عقب زمة صباي

لاغشى القلب غاشي الروابع تضيع
أفتكر فالسنين الي تعدت وراي

أمحل العمر وأقفر عقب هاك الربيع
وآحسايف شبابي غاب وأظلم سماي

من وثق في زمانه أشهد أنه صديع
هذي جورات بقعى قصرت لي خطاي

عبدالرحمن عبدالله المجلي - راعي مرات
© 2024 - موقع الشعر