اختناق الـ ( آهـ )

تعبت من جمع الشتات .. ولا قدرت اجمع شتات
واتعبني أكثر .. لملمة روحي .. ولا لميتها !!

تعبت اجاهد .. للثبات .. ولا بقى فيني .. ثبات
واتعبني اكثر .. دمعة ٍ بالعين .. ماهليتها

من كبريا آهي .. وحرّ انفاسها .. بين الشفاة
بعثرتها (هَ) .. (آ) .. عساها تبرد ويا ليتها

لكن من اطراف اللسان .. ولين في اقصى اللهاة
نار ٍ .. تدوّر .. من يطفيها .. ولا .. طفيتها

لاني قدرت اقول (آه) .. ولا قدرت اقول .. مات
صوت اختناق ال(آه) .. لكن .. داخلي .. خبيتها

لين اشتعل في داخلي .. صوت وصياح وتمتمات
واحرق .. بقايا من قصايد .. ما بعد .. غنيتها

حتى غدت مثل .. الرماد اللي .. ذرته .. الذاريات
ياقو لذعات الرماد .. اليوم ..يوم .. اوحيتها

ياكبرها كانت بشاير .. قبل لا تمسي .. رفات
ةواليوم .. صالي زفرة ٍ .. داخل ضلوعي .. بيتها

يا (آه) .. يا قو اختناق ال (آه) يا جمع .. الشتات
يا اقوى تعب .. إلا تعب روحي .. ولا لميتها !!