اه وان قلت اه سال الحبر وابتلت جروحي
اه من.. واه من.. واه من.. والعمر ضايع
ياهجوسي لاتحسب ان القصيد اخر طموحي
اتنفس به وانفس به وانافس به روايع
ان كتبته وان كتبني يكفي انه سر بوحي
والحياه اسرار والاسرار فى صدري ودايع
والله اعلم وش وراها قصة سهادي ونوحي
حب ؟ لاوالله ماظن الحب يكفيني ذرايع
مرحبا بالهجر واللوعه من الوجه الصبوحي
البلا ان همومي اكبر من كذا والوقت لايع
امنياتي جانحه واللي مشقيني جنوحي
شاعر(ن) شاعر بنبض الشارع وظلم الشرايع
غاير وثاير على السايد ومرضيني نزوحي
ماعرفت الا الخيال ولا جهلت الا الوقايع
دفتري يكشف غموضي والقلم يستر وضوحي
ظامي؟ اي والله ظامي جايع؟ اي والله جايع
اللهم لااعتراض اليا انكتب قسمي بلوحي
تايب ونايب وانا عبدك ولاوامرك طايع
هكذا احسن لي احيا لاارى..لا احكي..ولا اوحي
اتطبع غصب........والا..لعنبوها من طبايع
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.