كتبت شعري في جميـع المياديـن - سحايب العازمي

قامت تنازعني ضعوف ومساكين
ولا يدرك الموضوع قبل احتماله

تكفون بالله اسكتو يامجانين
قبل يفوح البوح واسكب زلاله

ويهزني شيطانها بالمضامين
ويفرض على جزل القصايد خياله

الشعر بيديني هوايه وتمكين
كلا شهد لي بالشعر والجزاله

اشرب من ابحوره وادوس القوانين
ولا همني حكي الردي والحثاله

رفعت شعري بالمعالي من اسنين
وعانقت نجمات السما من خلاله

كتبت شعري في جميع الميادين
وفرضت نفسي مادخلت بجهاله

انا الا مني نويت المعادين
اللي تجمعهم دروب النذاله

اللي يجونك كل يوما بوجهين
اهل الردى ياكثرهم والرزاله

حلفت لو جاهم من الشعر بيتين
يطيح من راس السنافي اعقاله

يثور شعري مثل ثور البراكين
ويعلم الملقوف هرج الشكاله

لاشك خلوني من الشعر الحين
انا ادري ان اللي وراكم سهاله

ماهزني لو شفت كثر العناوين
,,, وماهمني لاصرت فوق العداله

© 2022 - موقع الشعر