سطرت لي في عالم الشعر عنوان - سحايب العازمي

سطرت لي في عالم الشعر عنوان
من عند ربي مادرسته دراسه

حررت قافي عن شوايب ونقصان
ورفعت نفسي عن دروب الدناسه

اكتب بعد ماحط لي 1000 ميزان
حتى يبين القاف واعرف قياسه

يكتبني الإحساس في وجه الاحزان
واشيل طاروق الفرحبالوناسه

بنت وكتبت الشعر في كل الألحان
وأفهم رموزه واعترف بالسياسه

اقواه واصعد به شواهق وضلعان
وأرسم حروفه لابغيت بسلاسه

لامن بغيته ينحني طوع واذعان
ويزيد شعري لابغيته حماسه

على جزيل القاف شيدت بنيان
ولا كل من غاص البحر جاب ماسه

افهم كلامي واعتقد واضح الآن
لو اني ادري صعب عندك فراسه

زادت وجاك الرد وافي بقيفان
ياصلك لو دونك شديد الحراسه

ماقل دل وزبدة الهرج نيشان
والحر مايقبل أذاه ومساسه

يمك حروفي ساقها الشعر عنوان
واشغلتني راحت علي الدراسه

© 2024 - موقع الشعر