يأمير.

لـ سحايب العازمي، ، في غير مُحدد

يأمير. - سحايب العازمي

يأمير لك صيتٍ وهيبة وتقدير
وسجل لك التاريخ طيب المبادي

يأمير لك فعل ٍ تميز عن الغير
ماينجهل يأمير علم ٍ وكادي

يأمير تشهد لك جميع الاساطير
عزاً تعلى بالمراجل وسادي

يأمير لك وصفٍ يفوق التعابير
ما ينكتب فوق الورق غير عادي

يأمير يامنقذ حياة المعاسير
لا قصرت بالجود بعض الايادي

تعطي ولا تحسب كثير المخاسير
ترجي بها ثواب رب العبادي

راع الكرم والجود نسل المناعير
ساس الفخر بيتٍ رفع العمادي

يافداك من كثرت عليه المعاذير
اللي عن النخوة قصير الزنادي

يابن الملوك أهل الفعول المغاوير
جدّك حكم حضرانها والبوادي

بالسيف الاجرد حرر الارض تحرير
وستسلمت له عقب ضرب الهنادي

عبد العزيز اللي يقود الطوابير
يوم انها كانت بوقت العنادي

أعلن حماها بالسيوف الشواطير
وحرم على عينه لذيذ الرقادي

هلل وكبر وستهلت تباشير
وعم الرخا ء والامن كل البلادي

وأنته أبو تركي أفعولك مشاهير
أبن فهد في طيب الاذكار جادي

ماقلت زيف ولا بكلامي تقاصير
تشهد لك الصدقان هي والمعادي

وصلاة ربي عدّ ما رفرف الطير
على الرسول المصطفى خير هادي

© 2024 - موقع الشعر