يحفظ ابو متعب وياقاه الاخطار - سحايب العازمي

نسأل ربّ العرش علام الاسرار
ربّ ٍ كريم ٍ مال غيره لجينا

هو اللذي يسمع دعانا بالاسحار
لرحمته ولفزعته مرتجينا

يرد عاهلنا و يفرح به الدار
ويديم رايات السعادة علينا

دعواتنا له بالشفاء سر وجهار
عسئ الولي مايردنا خايبينا

يحفظ ابو متعب وياقاه الاخطار
في غيبته والله ما قدّ سلينا

لك الوفاء والحب يارمز الاخيار
وحنا على بعدك حشى ماقوينا

زعيم حلال الصعيبات مغوار
بقيادته نفخر وبامره مشينا

له كلمةٍ ترهب قويين الاشوار
وله هبية ٍ يأمن بها الخايفينا

ابوه قبله منهجه نهج الابرار
الشرع دستوره وفيه اقتدينا

الله عطانا حكمهم وال الاقدّار
وزال الخطر عنّا وغبر السنينا

من قبلهم والجار ما يأمن الجار
الغدر ميّزة والشقاء مبتلينا

وجانا ابو تركي بعزم ٍ به اصرار
وحد جزيرتنا وفيه احتمينا

بالسيف مايرحم خبيثين واشرار
وستسلمت وعيانها خاضعينا

وعشنا رغد في ظل وافين الاشبار
والحمد لله للصواب أهتدينا

ليل الجهل زالت معالمه الانوار
ولأرقئ صروح العلم حنا بنينا

يعزّحكام السعد نسل الاحرار
وحنا عطيناهم ولانا وفينا

© 2024 - موقع الشعر