قصيدة ترحيبية

اليوم فالتوقيت اربع وعشرين
ساعة ولا تحتاج شرح وتبيان

ومقسمة في كل الايام قسمين
نهار عقبه ليل من طول الازمان

واليوم له قانون غير القوانين
والحين فرق وفرق عن كل الاحيان

انه نهار اليوم صاير نهارين
وعندي من الواقع على القول برهان

ولوين راح الليل مدري على وين
الزبدة انا بالنهار وْلَ(هالآن)

دليلي وجيه الحضور الميامين
اللي تشع النور من طيب وايمان

مثل الصباح اللي احترته الميادين
يجلي بنوره ظلمة الليل لا بان

يامرحبا ترحيب وافي لوافين
يوم الوفا بين الوفيين عنوان

ترحيب ترجح كفته بالموازين
فالمستوى مثل الذهب غالي اثمان

اعداد ما نسنس من يسار ويمين
واعداد ما حطت على الدار الامزان

واعداد ما فاحت زهور البساتين
واعداد ما اوْمَتْ بالثمر خضر الاغصان

باسم الذي منشاه منشا الشياهين
اللي رقوا بافعالهم نجم ميسان

معوض ابن ذياب يا حي ذا العين
من روس قوم يكفي ان قلت: ضرسان

من الهجال اللي بهم يدفع الشين
لا عسرت الهيجا لهم خيل وسنان

ربعي على شمخ المكارم مقيمين
أهل الثلاث البيض حمران الاعيان

يبدي بها للي بعيد وقريبين
والكل في عينه حبايب وخلان

غلا غلا والقلب ملفى لغالين
الله جعل بين الحنايا لهم شان

اللي على الدعوة تعنوا ملبين
من شان ابو مروان في حفل مروان

حياكم الله والمعزة مضامين
وساس العلاقة بيننا واسع بطان

ويامرحبا من راس وافي لوافين
يوم الوفا بين الوفيين عنوان

ترحيب ترجح كفته بالموازين
فالمستوى مثل الذهب غالي اثمان

ش/ طلال عويض مصري الضريسي الهجلة المطيري