يا مرحبا ترحيبةٍ تكفي هل الدنيا جميع
بأميرنا اللي حل بالجوبه ونوّر دارها
نسل الملوك اللي لهم بالطايله شانٍ رفيع
وعادة سلاطين العرب بالفعل تحمي جارها
حكامنا حنا لهم باللازمه سدٍ منيع
دون الوطن حنا لها نذود دون اقطارها
حييت ياغيث لفى وجهه يبشر بالربيع
حياالله اللي جيته نجني جميل اثمارها
عبدالعزيز ابن فهد شبل الشجيع ابن الشجيع
اللي حكم بالعدل داره لين صان أسوارها
طلق الحجاج اليا هرج يهرج ومن بال وسيع
سمح اللقا صيته رقا بأمجاد عالي كارها
عز المواطن لأنتخى نوّخ له الصعب ويطيع
درع الوطن لاثارت الهيجا وشبت نارها
وانتا عضيد اميرنا المحبوب بالراي البديع
والأمر شورى بينكم وامجادنا بأشوارها
شاعر واصون المفرده ماهمت في وادي و ريع
لني من اللي امنوا بالصالحه وإعمارها
واقبل تحية شاعرا ثرى بلاده مايبيع
روحه فدى لارض الوطن باميالها واشبارها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.