ترحيبيه بإمير منطقة الجوف

يالله يلي معتلي في سماكا
ياباسط ٍ سبعا ًوسبعا ًأسموكا

ياواحد ٍ ماخاب من أرتجاكا
يامجيب ناس ٍ بالفضيله رجوكا

يارب يالمعبود وال الملاكا
نطلبك تنصر ديننا والملوكا

يالجوف طبت وتو ذعذع هواكا
تبشري بقدومهم يوم جوكا

يالجوف زنى وأرتفع مستوكا
يوم السعود المكرمين أنهضوكا

أعزك وال القدر والفلاكا
ويعز اللي عندنا نصبوكا

يامرحبا بأميرنا في سكاكا
ترحيبة ً من قلب مابه شكوكا

أعداد ماخط القلم بالبواكا
وأعداد ما عد الذهب بالبنوكا

من خاطر عشيان يعلن وفاكا
وأهل البلد بقلوبهم سكنوكا

عسى الولي من كل شر يحماكا
يرعاك ربي ياحسين السلوكا

أنت الذي مدح القصايد زهاكا
ماتوفي الأبيات مهما أمدحوكا

يوم ٍ كل ٍ من ولاكا كلاكا
دخيلكم يا مير يلقى الفكوكا

أنتم أهل العوجا نهار العراكا
وأنتم اهل التوحيد وقت الضنوكا

وأقولها وأعلن بها بالمحاكا
هيك الأوادم فيها الأسم عرفوكا

حنا فرحنا يالفهد في لقاكا
من أقصى الحفر حتى ماشارف تبوكا

وصلاة ربي عد وبل أسماكا
على النبي أعداد نسج الحبوكا