شكر للإهل الوفاء - عشيان بن سليمان

يالله يارفاع سبعا ً بلا أعماد
أنطيع لك وبالرسول نتقدا

يا واحد لك المخاليق سجاد
انا على حكمتك مانتعدا

حسناك ياللي عالم سر الفواد
مافيه حي ٍ على اسمك يبدا

وبعد الولي نبدا تماثيل قصاد
البوك عندي والقلم يستعدا

مثايل ماينقده كل نقاد
وان طال شرح القاف فيه نتمدا

مثل العسل طعمه لذيذ ٍ للكباد
سلام مني للجماعه يودا

للروبع المرموق والقرم عواد
وفياض عند اللازمه مايصدا

ومع راضي اللي دوم بالطيب معتاد
وحتى البنيخي مابهم من تردا

الكل منهم واقف ٍ ما اخذ حياد
ماجد وغازي وفالح القرم سدا

وفليح اللي ماسك ٍ درب الامجاد
ابن عطيه باللزوم استعدا

ياللي عن بيوت الشغاميم نشاد
عن المسير بوبهم ما تردا

مجالس ٍ تلقى بها صنع بغداد
والبن الاخضر باليماني يمدا

حلف يمين انك ماتروح مداد
إما عشى ولا لزوم نتغدا

امفطحاتن بالصياني على الزاد
وانا اذكر الله مثل حزم المندى

هذا الصحيح اللي شهدنا بالاجواد
الطيب وهبه والفعايل تعدا

حيث المراجل به حوادير وسناد
ولا كل رجل ٍ باللوازم يسدا

متوارثين الطيب من ترثة أجداد
انتم ذهب حيث الذهب مايتصدا

واللي بغانا ولاحصلنا بالوجاد
ذكرتهم بالطيب والسلم يدا

والمعذره باللي جهلني ولانشاد
ولاحد ٍ على حق الرفيق يتعدا

أرسلت هرجي يا ابو مفلح لك عماد
أقرا القصيده ياعريب الاجدا

يفداك عفن ٍ بالمخاليق ماجاد
وان طال مشوار المراجل تهدا

قابلتكم صدفه على غير ميعاد
وقفيت عنكم حامل القلب ودا

وصلاة ربي عد ماهل رعاد
على رسول ٍ حط لشرع حدا

© 2024 - موقع الشعر