مدح بالشيخ متعب المدبغ الكويكب

لـ ، ، بواسطة عشيان بن سليمان، في غير مُحدد

المنسابة: مما قال الشاعر عشيان قصيده يشكر ويثني على أفعال الشيخ متعب المدبغ ( أبو فهد )

سميت باللي محصي كل الإنفاس
محيي عظام بالحود مغموسه
نعوذ بك يارب من كل من كل وسواس
ياخالق ٍ صم الصخر مع طعوسه
حسناك مهنى غيرك إله للناس
ياعل نفسي في ذراك محروسه
وادليت ماكنت في وقت الأدماس
نظهر أبيات بالضمير محبوسه
أبيات شعر قلتها بصدق وإحساس
من شاعر عسر القوافي يسوسه
مثل الذهب يوم يتلبس مع الماس
صاغه خبير ثم حناه ويقوسه
لحيث صنعه دوم له وزن وقياس
ماقيل هذي عن هذيك معكوسه
سلم على اللي سمعته ترفع الراس
به خصلة ٍ بين النشامى مغروسه
ابو فهد شيخ ٍ لنا معرب الساس
نال المعالي وأعتلا فوق روسه
نفخر بعلمه مع ضنا بشر وجلاس
طيبه لنا ونفتخر في ناموسه
يفداه عفن ٍ عفته مالها ساس
اللي يتحيل بالرفيق ويجوسه
عن المراجل ضارب ٍ ابو لماس
له لحية ٍ عن اللزوم مهلوسه
ياعاد ماهو للمناعير نبراس
ياخوض ماهويشربه عقب موسه
ولا إبو فهد عارفينه ولاباس
بالطيب يفعل مايحسب فلوسه
ماحط قفل ٍ على بابه وحراس
له مجلس ٍ من كل حي يعوسه
عقب المهيل خذ مع الشيخ مجلاس
قل كلمتين ٍ بينكم ومهموسه
بلغ سلام ٍ وإحترام به حماس
من خاطر ٍ ياهاض حضر حسوسه
وصلاة ربي عد حبر بقرطاس
على النبي بالدين وضح دروسه
شفيعنا عن الخطايا والإفلاس
في موقف ٍفيه الأوادم عبوسه
__________
عشيان بن سليمان

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر