مدح بالشيخ حمد آل خليفه - عشيان بن سليمان

تعيش ياشيخ يمينه بها احسان
عسى الولي يحفظك يابن خليفه

يا ابو محمد علمكم بالفخر بان
بيتك ينادي للهواشل مضيفه

لك مجلس ٍ يلقى به ذناب خرفان
مع دلتن ياغدي خوا الراس كيفه

انتم شيوخ ٍ من قديمات الازمان
وافعالكم بالمجد صعب توصيفه

يمناك تشل الحمر كل الاحيان
ياشبه مجاري سيل وادي حنيفه

سجل لكم التاريخ مجد ٍ وبرهان
يشبه حيود ٍ عاليات ٍمنيفه

يامير ياللي من مواريث شيخان
الطيب يبقى لنشامى وظيفه

الله يفكك من صواديف الازمان
عسى الولي ينجيك من كل حيفه

في جاه رفاع السما دون عمدان
ياجعل ايام الفرح لك حليفه

حيث اللي في جآنبك دوم مايهان
مالك لجارك تقسمه بالنصيفه

علمك طلع لناس بفلان وفلان
اطيب عندك له مكان وظيفه

يشهد لنا صالح محمد بوكدان
والكذب عيب ولانحطه لفيفه

ترخص حلالك يانضايض كحيلان
يوم ٍ بعض الناس شح برغيفه

يالولي مافيك شك وبهتان
مدك ياحمد باالعطايا لطيفه

من جاك شاف العز من دون حقران
له مقعدا ً من فوق فرش َ نظيفه

وجارك معزز جانبه دوم مايهان
ترفى خماله كان حاله ضعيفه

هذي افعالك بين حضرا ً وبدوان
والطيب يظهر والسوالف مطيفه

البوم بوم ٍ بين الإظلاع سكان
والحر حرا ً والمخالب ظريفه

وطرق الرذيله صاحبه دوم ندمان
وطرق الفضايل لرجال الشريفه

ومن يكسرالمعروف بالعون خسران
بالعون والله ماعليه الحسيفه

هذاك ماعنده معروفن وجدان
تصبح حواله بالندم والكسيفه

ولا انت ياطير السعد نلت الاحسان
ياعل ديارك يالسنافي أمريفه

واسمحلنا ياشيخ مروي شبا الزان
يوم الرمك والخيل عجلن رجيفه

تروون حد السيف من دون الاضعان
من دور جدك تاركه للخليفه

بوايل وايل من مقاديم شيخان
وافعالكم بالجود ماهي طريفه

واسمحلنا وان كنت بالهرج غلطان
وارجي السموحه منك يامعز ضيفه

الله يديمك لشغاميم مزبان
حيث ان نفسك للمسير خفيفه

مايحصل الطولات نذل ٍ وجابان
والطيب سندا والمراجل كليفه

افعالكم تصعب عليه بحسبان
لو جيت اعده ماتكفي الصحيفه

واقبل تحيه مهديه من عشيان
وانت غني ٍ عن كثير تعريفه

وصلاة ربي عد حب بستان
واعداد ماهل المطر من خريفه

على النبي من حب واخلاص وايمان
تمت صلاتي عد زرع القطيفه

___ شعر : عشيان بن سليمان

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر