الإمير سلطان بن عبدالعزيز آل سعود

سميت بسم اللي لوجه مصلين
الواحد اللي بإمرته تجري الافلاك

خلاق آدم من عدم تبة الطين
أحسن صور خلقك ويالعبد ممشاك

رب الملا مابين كفر وملايين
يالله يالمعبود نطلبك حسناك

نرجي ثوابك يوم عدل الموازين
في ساعة مافيه هاذا ولا ذاك

من بعد ذكرك يالولي مستبشرين
والجوف ياسلطان رحب وحياك

حنا فرحنا وعيدنا اليوم عيدين
عيد رمضان وعيد يامير رؤياك

نزف لك وردن وعودن وياسمين
ونفتح لك قلوب ً من الود تبغاك

حيثك عزيز ومن رجالن عزيزين
ولنا الفخر يامير والمدح يزهاك

انتم حومتنا وحنا بكم راضين
وانتم قياد الشعب بقياد بالسلم وعداك

وحنا معكم دوم بالعسر واللين
ودون الوطن نمشي على حوض الإدراك

فهد ملكان خادم ٍ للحرمين
صليب راي ولصعيبات فكاك

وعبدالله فعله ماضي له براهين
غيثا ً علينا وللعدو سم فتاك

الله يثبت حكمكم طول السنين
بذن ولي مالك ٍ كل الإملاك

حيث إنكم على الشريعه محامين
سنة ٍ رسول ٍ نافين دين الاشراك

مشتوا المعروف والمعروف والحق والدين
رغم ٍ على خشوم الحواسد هذولاك

ياما دفعتوا للضعافي ملايين
خيراتكم عمت على الشعب وهناك

ياما وصلت البوسنه مع فلسطين
حملات يوما ً بها حسر وظناك

ويما بذلتوا للبعيد وقريبين
وضمدتوا جروح ٍ من الدم سفاك

وحرب الكويت اللي مضى قبل عامين
بجهودكم حرر عن الظلم وهلاك

هذا دليل افعالكم بالعوانين
والفكر يتعب عن أحصاها بلا دراك

وصلاة ربي عد طوف الحرمين
على النبي أعداد غيث ٍ من أسماك

_________
عشيان بن سليمان