الإمير نايف بن ممدوح آل سعود - عشيان بن سليمان

سميت باسم الله علام للغيب
الواحد اللي كل خلقه كفلها

بعد الولي نبدي بنايف تراحيب
إعداد ماهل المطر من هللها

نقولها من دون شك ٍ ولاريب
من خاطر عشيان نظهر عسلها

يانايف الممدوح ياماكر الطيب
الجوف فرحت في وصولك واهلها

تقل هنوف ٍجالها اليوم خطيب
يومن ٍ نايف بالزياره وصلها

شوفك علينا من اكبار المكاسيب
وحياة رب الكون رافع أجلها

حيثك عزيز ٍوعارف ٍ للمواجيب
وابوك قمات المفاخر نزلها

انتم حرارا ً ماكره بالمراقيب
لشعب غيث ٍ وللمعادي جبلها

حكام نجد يوم دور المصاليب
بينتوا الاسلام وزلتوا جهلها

المملكه صارت اقارب واصاحيب
بإمن وأمان وكل خير ٍ بشملها

البنك يعطي للمواطن أطاليب
ومزارع ٍ والكل يقطف سبلها

والضأن يرعى بالصحارى مع الذيب
ولوهو قريب ٍ للغنم ماوصلها

بظل المليك اللي عرفوه الإجانيب
رآية الاسلام عز فهد ٍحملها

وصلوا على سيد البشر ولاعاريب
اعداد نبت ٍ بالفياض وسهلها

شعر / عشيان بن سليمان

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر