قم شيك الممتاز بأول نهاره
الجمس جهز يانديبي مقاضيه
يجوز بصدري يالسنافي زياره
من الجوف نبي للرياض وضواحيه
ناوين شيخ ٍ لافيتنا اخباره
شيخ ٍعلى الطولات طالت يمانيه
ناوين تركي عسى تسعد دياره
عسى الولي في طول الايام يبقيه
حر الحرار وضارين للصقاره
طير السعد ياسعد من كان يرجيه
الطيب عندك يا ابو فيصل مداره
وانت اللذي بالطيب صاعك توفيه
وانت اللذي بالمجد تافي شباره
وانت الشجيع اللي بعاد ٍ مداليه
وانت اللذي بحجاج عينيك غاره
وانت اللذي تسهر عدو ٍ تعاديه
من زاركم ياشيخ يلقى وقاره
ومن عاندك ياشيخ علقم تداويه
من عاندك شاف العنا والعزاره
ومن قاربك قدام نفسك تبديه
ومن خاصمك تسقيه كوب المراره
ومن خالفك ياشيخ بالنار ترميه
سبع السباع وناسلينك سعاره
ياعز منهو جاك والضيم حاويه
اقولها بالصدق ماهي قماره
والله شهيدي عالم في خوافيه
انت حسين الخلق ياعز جاره
وانت رفيع الباس والمجد ماشيه
يا ابن الكبير اللي تجينا اذكاره
الوافي اللي ماشي ٍ بإمر واليه
قصيت لك بالطيب صك استماره
وكل المكارم ٍ نايليين ٍ معاليه
انت صليب الراي عند الوزاره
وانت اللذي الطيب بالمال تشريه
وصلاة ربي عد نبتة اشجاره
على نبي ٍ للمخاليق هاديه
______________
شعر : عشيان بن سليمان
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.