في صاحب السمو الملكي الأمير سلطان بن عبدالعزيز - سبتي بن حمود العضياني

سلامي على اللي له بصرح العلا مطلاع
تعلا ّ المعالي واعتلى للعلا فعله

وزير الدفاع اللي لجيش العدا قمّاع
أمير ٍ صناديد النشامى تخاضع له

له الامر بعد الله وأمر الامير مطاع
وبعد فهد عبدالله ثم الأمر يرجع له

وله كلمة ٍ تسمع وتضغي لها الأسماع
ليا قالها سلطان كل ٍ تسمّع له

أمر وأعلنه مسؤول وزارة الدفاع
صدر وطبعوه وكل قسم ٍ يوزع له

وهو اللي ليا اشتدت وحبل الوسايل ضاع
اله هيبة ٍ منها الصعايب تطاوعله

واله جانب ٍ يامن به الخايف المرتاع
يشوف الامان بضل بيته ويفزعله

بعد ماوقع في حفرة ٍ مالها مطلاع
زبن بيت من نفحات جوده توسعله

حميد السجايا فزعته تبري الأوجاع
حليف الكرم كل ّ المكارم تجمّع له

تعدّى كرم حاتم بجوده طويل الباع
سوات الحيا كل ٍ من البعد ينجع له

تزين المدايح فيه ويساعد الابداع
بنظم المثايل والقوافي تدافعله

من الهاجس اللي يشتغل داخل الأضلاع
يدوّر خيار المدح فعله ويطلع له

تجيله بيوت الشعر بالمعرفه خضّاع
مشاعر ولا من صدق واخلاص تصنعله

بيوت المدايح مالهنّه عنه منّاع
وتقدّم على سلطان منّي وترفعله

له المدح كلّه ينحره منهجه ماتاع
يدوّر الفعل الصيرمي ويتتبعله

وهو اللي فعول الخير كفّه لها زرّاع
دلايل فعوله باب قصره يشرّع له

تجيه الشعوب المسلمه للعلاج أنواع
من العرب والاسلام كلّه تدافعله

دفع من حلاله قيمة التكلفه في ساع
عساها نهار العرض تقبل وتشفعله

من اللي عباده تطلبه سجّد ٍ ركّاع
لعفوه وغفرانه نصلي ونخشع له

له الشكر واله الفضل ونهاية المرجاع
كريم ٍ وعفوه كل الاسلام تطمعله

طلبناه يحفظ من جميله وذكره شاع
شعاعه سوات النور ساطع يشعشعله

أمير ٍ يذرّي كل ماشانت الاوضاع
فعوله عليها شهود الأعداء توقّع له

ليا ثارت الهيجاء وحمي الحديد وماع
ثنا الرجّل وأنهى الموقف اللي تربعله

بحزم ٍ وعزم أقوى من الساطي القطّاع
واله هيبة ٍ الها الأعادي تراكعله

وهو اللي يطوّع للسنع مخطي الأسناع
يدلّه طريق الحق وان زل يردع له

وبعد ردعته عند الخطايا رجع مطواع
يشوف الطريق المعتدل ثم يسانع له

بعد فعل من خلاّه يضرب خليط القاع
رجع لابس ٍ للعار ثوب ٍ تقنّع له

كذا فعل من يوفي للأخصام كيل الصاع
ياجعله يدوم النا ذخر سيدي جعله

لك البيض ياسلطان في كل يوم أتباع
تجي من جميع الناس يمّه تتابعله

كمن الكرم وأنته أخوان من الرضاع
نعم بالخوان ونعم فعلك يشجعله

على اسمك لكلمة نعم تلقى الدروب وساع
فعايل يمين ٍ كل طيب ٍ يذرّع له

يمين ٍ خصال الجود كفّه لها جمّاع
أخذ سمعة ٍ بيضا مع الناس تلمع له

تكلّم بها الاعلام فالصحف والمذياع
شرف والشرف فيه المفاخر تدافعله

وشذا أزكى تحياتي ليا ذعذع الذعذاع
شذاها عبير المسك ريحه يذعذله

© 2024 - موقع الشعر