مجاراة لقصيدة الشاعر مصلح بن صويلح البقمي - سبتي بن حمود العضياني

نويت أجاري من يهمه مجاراي
باسمي يناديني وبسمه نجيبي

يا مصلح اصبر لي لا ياسبوعنا الجاي
يا صلك بالمكتوب منى نديبي

رأي وتعليقي وتركيز معناي
الفكر عن تعبيرهن لا يغيبي

خلك معي وتشوف بالعين مبداي
أنا إصحيب الصدق وأنته صحيبي

عرضت مشروعك لا بايع وشراي
وأنا ما بيك تصير منهم قريبي

أيدك بالفكره وخالفك في الرأي
وتخالف الانظار ماهو غريبي

مابه مقارن بين رجلي ومطاي
وراس الحبل ماهوب مثل الشعيبي

الفرق واضح بين غازي وغزاي
اترك إعلوم مدورين الذهيبي

يامصلح علاج الغلط عنه الاقفاي
تبديل رأي الرجل اله ما يعيبي

الشعر قال ان احتجاجي وشكواي
من بعض الاسماء اللي ذكرها الاديبي

عبر الجرايد لوثو جو دنياي
والله ما اقول إلا الكلام المصيبي

كسرت موازيني وضيعت ممشاي
من فعلهم فيه طريح وصويبي

يا كبر مشكلتي ويا كبر بلواي
من بعد عام الفين وافري جيبي

من الهجوم اللي قصف صرح مباني
متى فطاحلة النبط تعتتيبي

ابطو علي وزاد ضغطي وحماي
يا الله إدخيلك من تردي النصيبي

عزي لمن مثلي يعاني معاناي
شعر الحداثه عاش وانا اغديبي

كتبت تقريري وضحت دعواي
وبينت لانظار العوارف حريبي

وعلى قرار الشعر توقيع يمناي
وشهادتي والله علي رقيبي

ومن قال مخطي يغفر الله خطاياي
والا يحاسبني عليها حسيبي

انا الحقيقة ذدرها من سجاياي
بعض الحجج تقطع لسان الطليبي

ولاني على مصلح بناقد وزراي
من اللي يشوفه بان شيبه وشيبي

ونادي العوارف بالاسامي للأصغاي
واصغي لصوته كل قلباً لبيبي

ومن ضمن الاسماء اسمي وشهرة مسماي
وركز على تاريخ الاسماء العريبي

وقال الحذر ترى هدف كل رماي
تاريخكم يا مزبنين الرعيبي

من الغرب غازينا قعيده وضواي
يمكن نموت وشرنا ما يطيبي

كذا انتهى قافه وانا انهي مجاراي
باسمى يناديني وبسمه نجيبي

© 2024 - موقع الشعر