بالشيخ محمد مساعد الجابري (شيخ القبيلة ) - محمد الجابري

أبدى بذكر اللي له الناس راجين
الواحد اللي كلنا نلتجيله

عالم جهايرنا وماكان مخفين
له الثنا والشكر يومه وليله

من بعدها ياهاجسي حضر الحين
خابرك تعطي باليدين الطويله

حضر بيوت الشعر مافيه بعدين
واجب علينا من دعانا نجيله

جينا لبونايف وحنا ملبيين
اليادعى غالي لزوم نعنيله

هاذي بيوت الشعر جني ميادين
نختار طيبها ونترك هزيله

حقك يابونايف على الراس والعين
الطيب فعلك وانت راع الشكيله

اليادعينا باللوازيم عجلين
لابارك الله باليدين البخيله

اببذل المجهود والوالي يعين
راع الجميله ماله الا الجميله

محل ابو نايف جمع كل غالين
وتجمعو من شأن راع النضيله

ان شهدن اللي فعل زين من زين
يافرحتن تبقى بليا مثيله

انااعرف أن العيد عيدين
والثالث الليله وكل ادعيله

يا مرحبا واقول من قلبي أهلين
عد النجوم وعد برق المخيله

وعدالشجر واعداد نبت البساتين
واعداد هبات النسيم وعليله

اقولها للي لفونا عزيزين
محمد المعروف شيخ القبيله

ملاذناوقت الشدايد مع اللين
علم صحيح ولا رضينا بديله

حي اللذي يسمع بطاريه من وين
اللي اليا مال الحمل يرتكيله

وعمك سعد وسعود قمع المعادين
نعم الرجال أهل الفخر والدليله

النور عند حضوركم صار نورين
ياهل العقول الراجحة والنبيله

أبوك مع جدك صعوط المجانين
اليا ذكرنا علومهم مستحيله

الجد عوض الله على العز والدين
شيخ على الشدات مافيه حيله

لين مع اللين وعاصي لعاصين
وذكره مع اهل العرف دايم يشيله

ومساعد مساعد وفاللوفيين
من والده كاسب علوم جليله

احرارفي فعل الشجاعة امضرين
هاذي علوم الصدق للي حكيله

النعم فالاقصين وايضا الموالين
وراع الوفادايم ترى ينوفيله

ويالله يامنزل تبارك وياسين
يامقسم رزقه على من تشيله

ترحم اقبور اللي على الطيب راسين
وتبقيلنا شايل حمول ثقيله

واليوم فوق اشداد مافيه تخمين
من بعدهم تمسك عنان الاصيله

تستاهله علم عليه البراهين
طيبك من أصلك مايجي فيه ميله

وصلاة ربي عد رفرف جناحين
واعداد ناس بالسعي تستعيله

على نبين بين الدين تبيين
دين الشرعة كلنا ننتميله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر