قصيدة في حفل تنصيب الشيخ محمد الجابري

بدينا باسم واللينا عظم الشأن والمعبود
اله خالق الدنيا وكونها ومحصيها

بعد ذكره يصوغ الفكر نظمة قافه المرصود
على بيض الورق جزيل المعاني دوم نعطيها

أزينها وأنقيها وأجنبها عن المنقود
على شان أتجمل للجماعة يومي ألقيها

أسيرها وأطلعها وارقيها على المسنود
مثايل لازم تودا وتلقى عند راعيها

ركاب العز جابتني لدار أهل الكرم والجود
ديارٍ غالية ونعزها من شان اهاليها

عسى ربي من الغربي يسيرها سحاب رعود
ىعلى الوادي يطاولها يالين يسيل واديها

ويحيها دياراً كانت بوقت مضى لجدود
ومازالت ونذكر حاضر الدنيا وماضيها

باسم شيخ دعانا كاسب النوماس زود وزود
ليا عدو هل الشيخات نذكرها بأساميها

محمد شيخنا المعروف من وقت مضى وعدود
ولد شيخ من شيوخ ٍ قديمات مبانيها

شعوري لادعاني مابها معذار وإلاقيود
ومن مثله مراسيله لزوم إنا لبيها

ولا ني ناسي بالوقت عمانه سعد وسعود
مزابين الدخيل وشرها للي يعاديها

لهم علم بوقت اللازمة ماهو ترى مجحود
عوارف تأخذ حقوق من العالم وتعطيها

هلا يامرحبا وإعداد مانسنس نسيم النود
بحضار القبيلة من قواصيها لدنيها

هلا بشيوخ حرب إلي عداها ماتحصل فود
على القانون والتقدير ياربي تحييها

جمع ربعه ورحب في صغير السن ويا العود
بني جابر هل الطالة عسى تسلم يمانيها

على عز ومحبة يامحمد جودك بالموعود
وهاذي واجبة والواجبة منهو يخيليها

ياحي اللابة إلي ذكرها محتاجلة منشود
بها شجعانها وعلومها دايم تنشميها

لو إنا نذكر الأفعال بالماضي بليا حدود
ياكان علومها بالله واش وقت ٍ يكفيها

ونعم بالقبايل كلها واقولها ماكود
ولاكن لابتي واجب علي علومها ارويها

وحنا في ذرى الله ثم ذرى حكامنا آل سعود
عسى ربي يعز بلادنا والي حكم فيها

ولك جل احترامي يامحمد علم فيه شهود
عسى نفسك مع الايام رب البيت يحميها

تحية طيبة ومبخرة ياشيخنا بالعود
على شيٍ بذلته والسواه الي تسويها

ولا يستغرب اللي تفعلونه حبلكم مشدود
مواريث الجدود إلي عسى ربي يبقيها

صلاة الله على الهادي عدد مايبرقن السود
نبي الله محمد بالصلاة إلي نصليها