‎يا صاحبي صدر الشقي زاد همه
‎ولا له على كثر الهواجيس راده
‎ايه التجارب بالأمور المهمه
‎تعطيك عن بعض الوجيه الإفاده
‎تنبيك من للهرج فعله يتمه
‎وتكشف لك اصحاب الرخاء والركاده
‎لا تنخدع بالناس في كل لمه
الحر تبرز قيمته في هداده
‎ياقف معك واحد يعوضك الأمه
‎أخير من أمه تزيدك نكاده
‎والناقص اليا جتك منه المذمه
من حيث لا يدري منحك الإشاده
‎خله بغيظه كل ما فار دمه
تحرقه ناره لين يصبح رماده
‎لا صار ما عنده على المجد همه
ما خلّد التاريخ حلم الوساده
‎ولا كل من يصعد وصل راس قمه
‎بعض الصعود يبين فيه ارتداده
‎مالك ومال اللي حكى دون ذمه
‎كلن على النيه يحصل مراده
‎والغيب ما نعلم بكيفه وكمّه
والعمر لا من راح ماله إعاده
‎وبالدرب لو نمشي على غير يمه
نفقد زمام السيطره والقياده
‎ولا أحدٍ يحجب الشمس بأطراف كمه
‎مثل الحقايق ضد بند الإباده
‎الله يبيح اللي حكابي بنمه
والله يسامح من سعى بالزياده
‎والله يبيح أقسى الأمور المهمه
اللي عطتني عن رداهم شهاده

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر