روحي

لـ طلال عويض مصري، ، في العتب والفراق، 40

روحي - طلال عويض مصري

آمري، وتدللي باللي,,, (تبين)
الأماني تنتظر- (طق اصبعِك)

جات لي حدِّك- مناها-تضحكين
(ولا يهلَّ الدمع- غالي مدمعِك)

ولجل ما تتعب شفاكِ، وتطلبين
قلت لِك: فدوة، ويشهد- مسمعِك

وش بعد روحي عطيتِك فاليدين؟!
وش بعدها من- العطايا- تقنعِك؟!

واعترفت؛ ان كان باقي- تذكرين:
(إني ما عشت- الأمل- إلَّا معِك)

(كل هذا) وما رضيتي تصدقين؟!
وما مضى لي، وما بقى لي- يتبعك؟!

والذي سوَّاك (عطر، وياسمين)
وكوَّنِك من كل (زين)، وجمَّعِك

وصوَّرِك شمسٍ- تصحي كل عين
وحط من فوق الكواكب- موقعِك

واوجدِك (تحنان، وعْذوبه، ولين)
وكمَّلِك ... سبحان من هو- أبدعِك

ما بغيت/ الَّا ان فيني... (توثقين)
وتنزعين-الشَّك- من جوف اضلعِك

ش/ طلال بن عويض بن مصري الضريسي الهجلة المطيري
© 2023 - موقع الشعر