مساجله مع الشاعر راجح الشريف

ضاق صدري بالشؤون العسكريه
والمدير اللي بيده العلم عيا

كل يوم امر واعطيه التحيه
لكن المطلب بعيد ولاتهيا

زابنه من ظيم كساب الرديه
ومالقيت هناك. حصلته هنيا

لكن التقدير تقدير لخويه
الصديق الصافي الذرب الوفيا

في ظميري له مكان ومقدريه
الشريف الكل في طرياه حيا

ياهلا مليون ترحاب وتحيه
في نبا راع الوفا طلق المحيا

له معاريفٍ كثيراتٍ عليه
ماجحد راع الوفا غير الرديا

راجح وراجح من رجالٍ وفيه
راجح الميزان في صبح وعشيا

ماعليه من هروج الثرثريه
ناقلين الهرج خبثان النويا

والله ان السالفه ماهي خفيه
بالصقر ماتلعب عيال الحديا

لكن ان العلم ماهو في يديه
وانت تفعل مير مابيديك شيا

الجمل مسيوق والذمه بريه
بالكلام يبين مسجون الخفيا

لو عزومه في مواقيفه قويه
ماسمعت انه ليامن سيق عيا

قطعت الاعناق عن رزق البريه
والله اهون لو بهن ظلم ٍ وغيا

النوايا انواع والنيه مطيه
والعقول مفاوته هذي وذيا

والا انا يديني ترا ماهي خليه
لي محازم توصِل لنجم الثريا

مير ماضي ماقضى الخلاق ليه
ماوقف دونه ضعيف ولا قويا

يالله التوفيق وارفع لك يديه
خير من ترجى ولا لمدّك سويا

....................................................
(رد الشاعر/الشريف راجح بن فهد الغالبي)

....................................................
....................................................

حيّ خطٍ هيض الهاجوس فيه
البيوت جزال والشاعر وفيا

الكلام الزين متبوع النحيه
بيّنٍ قدم الملا مثل الثريا

مرحبا وعداد همّال ابرديه
مرحبا مليون يا سمح المحيا

سيف واسمه سيف مشهورٍ سميه
فاللزوم يبين مطنوخ الحميا

القسم معروف ما يخفى عليه
مير طرفي عن سواياهم غضيا

فيها حسناتٍ وفيه امور سيه
وكل رجلٍ يتبع الروح الشهيا

وللظروف احكام ياذيب السريه
والنصيب يصيب والغايب خفيا

والحظوظ احيان كالدار العذيه
ونوب تاتي لك تغابينٍ وكيا

والله اني فازعٍ لكن يديه
رّبطة ب حبال ياويش السويا

لكن الارزاق من رب البريه
قاسم الارزاق من قبل اتهيا

البنادم نوب ينوي له بنيه
لكن الاقدار من دونه تعيا