مساجله مع الشاعر علي مطر بن صبري - محمد عجيل الهاجري

جرح الزمن له بين الاضلاع تذكار
دنيا التعاسه في وحلها رمنتي

منها تجرعت المآسي والامرار
كافحتها لاشك غصب اغلبتني

كم مرت{ن} هدتلي شناج وجدار
في رفعت البنيان ماساعدتني

ياماوياما عرضتني للاخطار
جيت الخطر يوم{ن} بقعى ابلشتني

ماودي الفت فلبشر بعض الانظار
لوينكشف سري عليها افضحتني

وحنا على شرواك مانخفي اسرار
مافيه باس ان قلتلك غربلتني

حيثك قريب وفزعتك تطفي النار
اما الوقايد فظمير احرقتني

صابر ولابه يوم هليت الاعبار
امّ ابلع العبرات ولا ابلعتني

جاك الجواب وهات مردود الاخبار
رسالت{ن}يوم المعاني اوردتني

لاتحسب{ن}لي قصد فيها ومعبار
والله مالي قصد غير اعجبتني

يامحمد الممدوح يانسل الاحرار
افعالكم في مامضى شوقتني

وجدّك على نظم التماثيل بصّار
شاعر ونفسي عنه ماغافلتني

الشاعر علي مطر بن صبري
وردي على الشاعر علي بن صبري

حي الجواب اللي لفاني على ار
فصدر ار واخر القاف تني

من شاعر{ن}له كل حشمه ومقدار
وعذب القوافي من جنابه نصتني

يابن مطر لاتحرث الجمر والنار
شرد المعاني في جوابك وطتني

دنين تقلب ماعرفنالهاعيار
حاولت اقلبها وغصب اقلبتني

دنين تبي هيس{ن}وجاسوس سمسار
صدمه بثر صدمه وياما صدمتني

خذيتلي معها طريق{ن}ومشوار
وسود الليالي من غثاها سقتني

ولعت مدواخ التعاسه والافكار
وونس بناره وسط جوفي كوتني

يابن مطر لاتزعج الصوت محتار
امنت ذيب{ن}والمعاني لفتني

ياذيب ياذيب الخلا وذيب الاقفار
رسالتك من خطها اسهرتني

ابشر بعزك وانا وافي الاشبار
اهديك روح{ن}في حياتي عطتني

عطتني عز{ن} والوفى وحشمة الجار
وبحرمته عيني حشى مالفتتني

ونكانها فلمال لعطيك مليار
لدكلك مالي ودنين فدتني

وانا ولد قوم{ن} يلدون الاشرار
الابه اللي بعزها شرفتني

وختامها ياالله ياالوالي البار
تجلي هموم{ن}في حياتي بلتني

© 2024 - موقع الشعر