بذرة غلا

لو العيون الناعسة تلفت لي
مالي على بعض العيون إلتفاته

حبلٍ فتلته جعل يبطي بفتلي
اللي خفوقي مدركه بإستماته

جيت الأماني من رهاوه وجت لي
مااحدٍ يلوم اللي فرح يوم جاته

بذرة غلا . ماهي من الغرس شتلي
ماجت على الطاير بخوذه وهاته

على طموحي لو تحاول . بقتلي
القلب ماتقدر بقتل امنياته

اصعب صعوبات الحياه إبركت لي
في قدرة المعبود جلّت صفاته

لين الليالي للقاء صوتت لي
وحديثها السري بدت مخرجاته

اذّن مؤذّن والليالي صفت لي
آذان حق . إتمام للعلم ذاته

ودخلت ذات افنان يوم استوت لي
منها مااظن القلب به شي فاته

ياابو عيونٍ نعس . لاتلتفت لي
عليك مابه للعيون إلتفاته