مشاركة في حفل 6

في محفل اللي يشرف من تعنّاله
اللي قريبين له واللي بعيديني

الشخ مطني حفيد الطيب ورجاله
ابن نحيت المسمى من مسميني

تاريخ مايحجبه حاجب بغرباله
يوم القسى والشقى والهم والبيني

وابن نحيت الذرى والفي بظلاله
كم عين سهران جاه وقرّة العيني

ويوم اخو نوره بعزمه غيّر الحاله
قال النحيتي شوير الرأي ويميني

عزم ودهى والخطر مشروب فنجاله
شجاعته تجري بدم الشراييني

ويوم استقرت . لناره سطّر دلاله
ويجونه الناس لو من بعد ناصيني

مضيفه اللي تعلّى فيه منزاله
في الذرى والكرم والمنطق الزيني

وإليا نخيته فزع في حاله وماله
ياكم سجن ٍ منه مابه مساجيني

كلام موثوق هرج الزور ماناله
بصدور الابطال وبطون الدواويني

وحفيده اللي دعى للحفل جيناله
ما للعذر باب عن حفله يكفيني

حيث ان هذا محلي دامة لياله
مادام انا والمعزب جدّنا مزيني

يامرحبا عد وبل ٍ هل هماله
وارخى على البيد همال الوداديني

ترحيب بأهل الوفى والطيب والطاله
اللي من الدار واللي جوه عانيني

تشريفكم بالحضور منور لحاله
الرجل يفخر بتشريف المياميني

واختام قاف ٍ يشرف شاعر ٍ قاله
يامرحبا كرام في حلّة كريميني