مشاركة في حفل 4

لـ ، ، في غير مُحدد

المنسابة: مشاركة في حفل زواج الشاعر / محمد شجاع بن حبيتر البيضاني

في ثاني الاعياد للشعر ميعاد
البرق عني لاح غرب وشعاني
وجتني فلول بيوت الاشعار تنقاد
ولاني مقلط منهن الا السماني
اتجمل اللي عدها بين الابداد
وتجمل اللي من معزه دعاني
مبروك ياراع المواقف والامجاد
ياللي اليا جات اللوازم يباني
انته لربعك دايم ٍ درع واسناد
وشهوده اهل الصدق قاصي وداني
واخوانك اللي كنهم شم الاطواد
والطود للي يلتجي فيه اماني
يا ابن حبيتر طيبك ورث الاجداد
ولا يخيب اللي على الساس باني
وانتم على طيبه فخر فعلكم زاد
حصن ٍ اصيله من سلايل حصاني
بيضان والتاريخ للفعل رصّاد
مافيه أحد يجهل سهيل اليماني
وانته بدرب الطيب نظراتك ابعاد
ورّدتها للعيلم الريهجاني
تبي لجى اللافي على العد ورّاد
مرفوع راس عز . عرب المجاني
فخر ٍ جذوره تغتني منه الاحفاد
وراع التعلي مايحب الطماني
حتى لو ان للوقت دوله ورواد
عرق الندى يندي لو الدوح فاني
ومعنزه للي له الناس قصّاد
شيخ وكريم وطيب ومرحباني
ابن نجا ما أحد ٍ عن الاسم نشاد
طيبه رقى بإسمه براس البياني
شيخ ٍ من الطرسان له بالوفى شداد
وربعه لهم بالطيب عرش وكياني
وبني عمر يوم العرب حرب وجهاد
عز الخوي والجار لو كان جاني
تحت الشداد السبع . فوق الوطى شداد
يوم السيوف الحدب والجبخاني
وحرب العريقه دولة ٍ داخل ابلاد
سوالم ومسروح عز وتفاني
فيهم جزيل الشعر يستجدي امداد
ويعجز يعبر به فصيح اللساني
ولا اهظم حقوق اللي لهم خيل بالماد
قبايل ٍ بفعولها ماتهاني
يالله عساكم دوم بأفراح واعياد
واجموعكم على الفرح والتهاني
واختامها الكمبودي الازرق . وكاد
والعذر كانه فيه نقص ببياني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر