مشاركة في حفل 5

في محفل اللي طوّل الله سنينه
حاولت اطوّع كل بيت ٍ عنيدي

والشعر له رواده وناقدينه
وكل ٍ حسب عرفه على مايريدي

مبروك يامحمد زبون الثمينه
عساك دايم في حياتك سعيدي

من بيننا حبال المحبه متينه
قبل المحافل كلها والقصيدي

من شانها لو حط ظرفي . كمينه
أبعد عنه وامشي مع الدرب سيدي

اقصيريّن تفتخر به مزينه
وربعه زحول وباسمهم من حديدي

اللي يعاديهم يذوق الغبينه
عقب الهدير . الحر يرغى بقيدي

وقصيرهم والضيف يلقى السمينه
واللي نصاهم من قريب وبعيدي

والطيب يبقى بالمطاليق جينه
لو حللو يظهر بدم الوريدي

الحر الأشقر يعرف بشبح عينه
وإليا تقضقض للسمينه يصيدي

وشاعر ولك بالشعر مرسى ومينه
وبواخر جزال القصايد تزيدي

والجزل ظلم إن صار مثل الرهينه
أطلق كتافه والعرب تستفيدي

التاجر إليا صك باب الخزينه
يصبح مطالب في زكاة الرصيدي

لو بان تجّار البلد بالمدينه
راحت على اللي يدفعون الزهيدي

وانته ولد عم ٍ طليقه يمينه
طيبك ينومسني . وفرحتك عيدي

تم الكلام اللي نظمته بحينه
أغلى بنات الفكر وآخر جديدي