تزهمنا المقابر ..!

سافري والقلب لعيونك تحرّى.
رجعة اللي عاش بعروقي مسافر.!!

الغلا والشوق بحروفي تعرّى.
ودّع اضلوعي .... يدوّر له تذاكر.!!

لحظة التوديع قشرا لو تجرّى.
احرقتني .. يوم قلتي لي بسافر.!!

لو تذرى القلب عنها ماتذرّى.
ولو كتمها الصدر بانت بالنواظر.!!

كن زينك ذوّب اقلوب وتزرّى.
بالعذارى اللي وصايفهن نوادر.!!

لافني حزنٍ طواني يوم طرّى.
قلبك الرحله ...... وتوقيت المغادر.!!

والله اني بالجفا ماني مضرّى.
بس حظي تالي الايام ... جاير.!!

الوداع اللي منه قلبي تبرّى.
ولّع اعروقي .... وسرّيت المحابر.!!

اجهري بالحب حبك مايسرّى.
في خفوقي ... لين تزهمنا المقابر.!!