الطفل اليتيم - خلف بن مرزوق العازمي

اقسمو بالله والله العظيم
الاله اللي عبادة ترتجيه

ماتأكدت اني بغربة واهيم
لين صار الموقف اللي صرت فيه

واهنيّ الناس غيري في نعيم
كل شخصٍ عاش مع خلٍ يبيه

غير انا عايش لحالي في جحيم
ماجداي الا دموعي ليه ليه

واوجودي وجد انا الطفل اليتيم
بعد ماماتو بحادث والديه

مانجى الا هو وفي حالٍ سقيم
واهجروه اللي تبقو من ذويه

عشت هم وشفت ظلم وذقت ضيم
والهقاوي توهتني تهت تيه

في مجال الحب احسْب اني فهيم
واثري انا لافهيم ولا نبيه

احسب الدنيا على حالٍ تقيم
والوصال يدوم مع من اهتويه

ماتوقعت ان بعد السيل ديم
والرياح تجيب ما لا نشتهيه

لين صرت اعن الهوى كني فطيم
بعد وادعني باشاره من يديه

وكل يوم اقول يالله ياكريم
وفي رجاه مقيم مدري وش عليه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر