مات ابونا

يالله انا طالبينك يالملاذ ويالاله
الصبر ياربنا من بعد ماجانا النذير

مؤمنينٍ بالقدر لكنّ وش عاد السواة
معتلي صوت الصياح ويذرف الدمع الغزير

بعد مااصبحنا يتامى من مقادير الحياة
مات ابونا كلبونا صبح الاثنين العسير

صبح مظلم واظلم العالم من ارضه لا سماه
صابني حزن وذهول وصرت في حالٍ خطير

كله الشعب السعودي طاله الحزن وغشاه
يبكي الطفل الصغير..ويبكي الرجل الكبير

يبكي طويق وهضابه وايضاً جبال السراة
والحجاز ونجد تبكي والشماليّ وعسير

مات عز العُرب والاسلام والعالم نعاه
خادم البيتين ابونا راعي القلب الكبير

يالله انك ترحمه يالله وتطيب ثراه
واجعل القبر اله روضة واجعل الجنة مصير

وابو متعب هو عزانا يالله تسدد خطاه
خادم البيتين من بعده على نفس المسير