الحب الاول

ايه ابكتب فالقصايد واسبح ابحور المعاني
دام خلي وافياً لي فيه يازين القصيدة

ساعديني ياحروفي والفراق النا مواني
واغرقيني ياهجوسي ياعسى الفرقا بعيدة

سجلي اصدق مشاعر بعد مالداعي دعاني
ابيض من الثلج لون"احر من نارٍ وقيدة

من قلم حبره احاسيس الثنا للي وفاني
فوق صفحة دفتر التقويم في ليلة فريدة

للحبيب الاول..اصلاً مامعه بالقلب ثاني
نبض قلبي دمه اللي جارياً داخل وريدة

من عرفته صار عندي للهوى حد ائتماني
مغتني بالحب قلبي دام هو اصبح رصيده

يعلم الله ماعصيته بالوصال ولا عصاني
يوم اشوفه يوم عيدي مثل ماهو يوم عيده

اهتويته واهتواني والوصال ابه احتواني
وش(حنان الام) مع لمسة على خدي بأيده

والغلا صادق غلاه وبالولا قمة تفاني
مايصدّق هرج عذال وكلام اهل النقيدة

والجمال اكمل كمال يفوق بالزين الاماني
عن حلاته لو ابكتب تُكتب حروفٍ جديدة

لجله اكتب فالقصايد واسبح ابحور المعاني
دام انا شاعرلماذا مكتب بخلي قصيدة